MEDENIÝET

Türkmen sungat işgärleri “Hazar möwsümleri 2023” festiwalynda çykyş edýärler

Hazarýaka döwletleriniň öňdebaryjy sungat işgärleri “Hazar möwsümleri – 2023” halkara nusgawy sungat festiwalynda çykyş edýärler.

Düýn Astrahan Kremliniň açyk meýdançasynda festiwalyň açylyş dabarasy geçirildi. Şol ýerde opera sahnasynyň ussatlary Hazar döwletleriniň simfoniki orkestri bilen bilelikde, Mihail Golikowyň alyp barmagynda, multimediýa görkezilişi görnüşinde konsert geçirildi.

Festiwalyň çäginde “Azerbaýjan güni”, “Eýran güni”, “Gazagystan güni” we 28-nji awgustda bolsa, “Türkmenistan güni” geçiriler. Bu çärä Türkmenistanyň halk artisty Atageldi Garýagdyýew, pianinoçy Wladimir Mkrtumow we Bagram Dolýewiň çeper ýolbaşçylygyndaky “Kamerata Aşgabat” döredijilik topary gatnaşýar.

“Festiwal 2023-nji ýylyň 6-njy sentýabrynda tamamlanar” – diýip, guramaçylarynyň saýtyna salgylanyp Orient habar berýär.

Related posts

Gurbantäç Alaýewa 103 ýaşynda

Türkmenistanda muzeýleriň işi kämilleşdiriler

2026-njy ýylda Medeniýet hepdeligi Balkan welaýatynda geçiriler