Täjigistan Respublikasynyň daşary işler ministri Sirojiddin Muhriddin Türkmenistanyň täze bellenen Adatdan daşary we Doly ygtyýarly ilçisi Aýmyrat Çogmyradowy kabul etdi. Türkmenistanyň ilçisi ynanç hatynyň nusgalaryny gowşurdy.
Bu ýerde daşary işler ministri bilen ilçiniň arasynda gepleşikler geçirildi. Onuň dowamynda iki ýurduň arasyndaky syýasy, söwda-ykdysady, medeni-ynsanperwer, ylym we özara gyzyklanma bildirýän beýleki ugurlardaky hyzmatdaşlyk gatnaşyklary ara alnyp maslahatlaşyldy.
Sirojiddin Muhriddin Türkmenistanyň ilçisini bu wezipä bellenmegi bilen gutlap, oňa işinde üstünlikler arzuw etdi.
Mälim bolşy ýaly, golaýda Türkmenistanyň gol çeken resminamalaryna laýyklykda, Aýmyrat Baýrammyradowiç Goçmyradowa Adatdan daşary we Doly ygtyýarly ilçi diýen diplomatik derejesi berlipdi we ol Türkmenistanyň Täjigistandaky ilçisi wezipesine bellenipdi.
Türkmenistanyň ozalky ilçisi Hemra Amanmämmedowiç Togalakowy, başga işe geçmegi sebäpli, Türkmenistanyň Täjigistan Respublikasyndaky (Duşenbe şäheri) Adatdan daşary we Doly ygtyýarly ilçisi wezipesinden boşadylypdy.