Ýurdumyzyň käbir şäherlerine ýolagçy otlylarynyň gatnawlary artdyryldy. Indi olar ozalky, adaty tertibinde amala aşyrylýar. Bu barada «Demirýollary» açyk görnüşli paýdarlar jemgyýeti habar berýär. Bu barada “Türkmenportal” internet neşiri habar berýär.
16-njy aprelden Aşgabat — Türkmenabat — Aşgabat ugruna ýolagçy otly gatnawlary gündelik ýola goýuldy. Degişli ugra indi ol her gün ýerine ýetirilýär.
Aşgabat — Türkmenbaşy — Aşgabat hem-de Aşgabat — Serhetabat — Aşgabat ugry boýunça-da otly gatnawlary her gün ýerine ýetirilýär. Mundan ozal, degişli ugurlara gatnawlar günaşadan amala aşyrylýardy.
19-njy aprelden Türkmenabat — Gazojak — Türkmanabat ugry boýunça-da gatnawlar her gün ýerine ýetiriler.