Beýik Britaniýanyň “British Airways” awiakompaniýasynyň ýolagçy uçary ABş-nyň Nýu-Ýork şäherinden Beýik Britaniýanyň London şäherine çenli aralygy ýokary tizlikde geçip, täze rekordy goýdy.
“The Independent” gazetiniň habar bermegine görä, “Boeing-747” uçary bu aralygy 4 sagat 56 minutda geçipdir. Uçary şeýle aralygy gysga wagtda geçmäge “Kira” apy-tupany kömek edipdir. Uçaryň tizligi sagatda 800 mile (ýagny ortaça sagatda 1200 kilometr) ýetipdir.
Mundan ozalky rekord “Norwegian Air” kompaniýasynyň uçaryna degişlidir. Bu uçar 2018-nji ýylyň ýanwarynda bu aralygy 5 sagat 13 minutda geçipdi. Adaty ýagdaýlarda bu uçar gatnawynyň wagty 6 sagat 13 minuta deňdir.
“Kira” apy-tupany Beýik Britaniýada köp sanly işe päsgelçilik döretdi. Ýurtda jemgyýetçilik ulaglarynyň gatnaw tertibinde näsazlykly ýüze çykdy. Köp sanly uçar we otly gatnawlary saklandy. Sport çäreler ýatyryldy. Ýurduň käbir ýerlerden şemalyň tizligi sagat 150 kilometre deň boldy.
Beýik Britaniýanyň şa zenany Ýelizaweta II bu apy-tupan sebäpli özüniň däp bolan dynç gündäki ybadathana gullugyny ýatyrdy.