«Microsoft» korporasiýasy ýakynda öz platformasynda iş gatnaşyklary üçin täze hyzmat hödürledi. Ol «Teams» diýlip atlandyrylýar. Bu barada «hi-tech.news» ýazýar.
Ulanyjy «Meşhur» diýip atlandyrylan bu täze hyzmatyň üsti bilen gözleg işlerini has ýeňil, hatda awtomatiki ýagdaýda amala aşyryp biler. «Microsoft» oňa ýakynda ýene birnäçe mümkinçilikleri goşmakçy. Şeýtmek bilen kompaniýa «Meşhuryň», hakykatdan-da, dünýäde iň meşhur hyzmatlaryň biri bolmagyny gazanmagy meýilleşdirýär.
Bu täze goşmaçalar wideojaňlary, faýllary bilelikde ulanmagy we beýlekileri içine alýar. Şonuň ýaly-da, kompaniýa «Microsoft Teams»-i ulanyjylara birbada iş we özleriniň şahsy maglumatlaryny birleşdirmäge hem mümkinçilik berdi.