Kabo-Werdeniň ýygyndysy dünýä çempionatynyň toparçalaýyn tapgyrynda ýekeje ýeňiş hem gazanman, pleý-offa çykmagy başaran ilkinji ýygyndy boldy.
Kabo-Werdeniň ýygyndysy “H” toparçasynda çykyş edip, Saud Arabystany, Ispaniýa we Urugwaýyň ýygyndylary bilen deňme-deň oýnady.
Iň soňky gezek munuň şeýle ýagdaý 1998-nji ýylyň dünýä çempionatynda bolupdy. Şonda Çiliniň ýygyndysy toparçada Italiýanyň (2:2), Awstriýanyň (1:1) we Kamerunyň (1:1) ýygyndylary bilen deňme-deň oýnap, 1/8 finalda braziliýalylardan utulypdy (1:4).
Kabo-Werdeniň ýygyndysy Saud Arabystanynyň ýygyndysy bilen deňme-deň (0:0) oýnady we 3 utuk bilen “H” toparçasynda ikinji ýeri eýeledi. Toparçalaýyn tapgyryň dowamynda olar ispanlar (0:0) we urugwaýlylar (2:2) bilen hem deňme-deň oýnapdylar.
1/16 finalda Kabo-Werdeniň ýygyndysy Argentinanyň ýygyndysy bilen duşuşar.