BIZNES

Eýran Türkmenistana awtoulag önümlerini eksport etmäge taýýar

Eýranyň  “Iran Khodro Industrial Group” awtoulag kompaniýasynyň baş müdiri Farşad Mogimi, benzin we gysylan tebigy gaz metany bilen hereket edip bilýän goşa ýangyç ulgamly awtoulaglary türkmen bazaryna eksport etmäge taýýardygyny mälim etdi. Bu barada Eýranyň metbugaty habar berýär.

Habar berlişi ýaly, Eýranyň  “Iran Khodro Industrial Group” awtoulag kompaniýasynyň baş müdiri Farşad Mogimi bilen “Türkmenawtoulaglary” agentliginiň başlygy G.Akmämmedowyň arasynda gepleşikler geçirildi.

Tähranda geçirilen duşuşykda Eýranyň awtoulag senagatynyň dürli önümleriniň, şeýle hem täjirçilik we ýolagçy awtoulaglarynyň önümçiliginiň, satuwdan soň degişli hyzmatlary bolan harytlary hödürlemäge mümkinçilik berýändigi bellenildi.

Eýran kompaniýasynyň başlygy türkmen bazaryny awtobuslar bilen üpjün etmäge taýýardygyny mälim etdi we bu ugurdaky eksportyň gysga wagtda amala aşyrmagyň mümkin boljakdygyny aýtdy.

Şeýle hem, Eýran kompaniýasynyň başlygy Türkmenistan bilen magdan, nebit we gaz, nebithimiýa we inženerçilik pudaklaryndaky hyzmatdaşlygy geljegi uly hasaplaýar.

 

Telekeçilere ekin ekmek üçin köp ýer bölünip berilýär

Related posts

2025-nji ýylda Türkmenistanda 3000 täze iş orny dörediler

Aşgabatda halkara ulag maslahaty geçiriler

“Polo” markasy barada maglumat