“Dragon Oil” kompaniýasynyň direktorlar geňeşiniň başlygy Saýed Al Taýer Türkmenistanda saparda boldy. Ol saparynyň çäklerinde Türkmenistanyň nebitgaz pudagynyň ýolbaşçylary – Türkmenistanyň Ministrler Kabinetiniň Başlygynyň orunbasary Batyr Amanow hem-de “Türkmennebit” döwlet konserniniň başlygy Guwanç Agajanow bilen duşuşdy. Bu barada BAE-niň resmi saýtynda habar berilýär.
Duşuşygyň barşynda “Dragon Oil” kompaniýasy bilen Türkmenistanyň arasynda netijeli hyzmatdaşlygy dowam etdirmegiň ugurlary ara alnyp maslahatlaşyldy. Hususan-da, “Çeleken” hem-de “Blok 19” maýa ýoum taslamalaryna seredildi.
Türkmen tarapy BAE-niň kompaniýasy bilen hyzmatdaşlyga ýokary baha berip, “Dragon Oil” kompaniýasyny sentýabr aýynda Aşgabatda geçiriljek Maýa goýum forumyna çagyrdy.
Duşuşygyň barşynda 10 milliard dollardan gowrak maýa goýumlaryň özleşdirilmegi hem-de Çeleken ýatagynda önümçiligiň artdyrylmagy, önümçiligiň 447 million barrele ýetirilmegi babatda pikir alşyldy.
“Dragon Oil” kompaniýasy önümçilikde daşky gurşawy goramaga uly ähmiýet berilýändigini belläp, Hazar deňziniň tebigatyna zyýan bermegiň hem-de deňziň hapalanmagyny öňüni almak babatda degişli işleriň geçirilýändigini belledi.
Şeýle hem “Ždanow” we “Blok 19” ýataklarynda gözleg işleriniň alnyp barylýandygy bellenilip, mundan başga-da, “Blok 20” we beýleki goşmaýa ýataklary özleşdirmek meselelerine hem garaldy.
Şeýle hem taraplar çig nebiti ýerlemek boýunça meýilnamalara hem seredip, çig nebiti ýurduň çägine ýerlemegiň has maksadalaýyk boljakdygy bellenildi.
