Birleşen Milletler Guramasynyň Baş Assambleýasynyň umumy karary bilen Türkmenistan tarapyndan hödürlenen 2025-nji ýyly «Parahatçylyk we ynanyşmak ýyly» diýip yglan etmek babatda kararnama kabul edildi. Bu kararnamanyň awtordaşy bolup, 86 döwlet çykyş etdi.
Türkmenistanyň BMG-niň ýanyndaky hemişelik wekili Aksoltan Ataýewa bu resminamanyň BMG Tertipnamasynyň esasy maksatlaryny we ýörelgelerini, şeýle hem jedelleri parahatçylykly ýollar bilen çözmek boýunça borçnamalary öz içine alandygyny belledi.
Bu barada Halkara habarlar merkezi habar berýär.