AFK-nyň Kubogynyň toparçalaýyn bäsleşiginiň üçünji tapgyrynyň duşuşygy geçirilip, onda “Merw” topary “Altyn Asyr” bilen duşuşdy.
Paýtagtymyzdaky “Aşgabat” köpugurly stadionynda geçirilen duşuşyk 2:1 hasabynda paýtagtymyzyň “Altyn Asyr” toparynyň peýdasyna tamamlandy. Paýtagtymyzyň toparyna ýeňiş getiren toplary Rahman Myratberdiýew bilen Selim Nurmyradow öz atlaryna ýazdyrdylar.
AFK-nyň Kubogynyň Merkezi Aziýa sebitine girýän toparlaryň gatnaşmagyndaky “E” toparçada geçirilen beýleki duşuşykda Täjigistanyň “Rawşan” topary öz meýdanynda Gyrgyz Respublikasynyň “Abdyş-Ata” toparyndan 1:0 hasabynda ýeňlişe sezewar boldy.
Şeýlelikde, geçirilen duşuşyklardan soň 7 utuk toplan “Abdyş-Ata” topary birinji orny eýeleýär. 4 utuk toplan “Altyn Asyr” topary ikinji orunda barýar. Üçünji, dördünji orunlarda 2 utukdan toplan “Merw” bilen “Rawşan” toparlary ornaşdylar.
Dördünji tapgyryň duşuşyklary 9-njy noýabrda geçirilip, onda “Altyn Asyr”-“Merw”, “Abdyş-Ata”-“Rawşan” toparlary duşuşarlar.