«Realyň» uelsli futbolçysy Garet Beýl futbol ýoluny Hytaýda dowam etdirer. 30 ýaşly futbolçy «Szýansu Sunin» topary bilen 3 ýyllyk şertnama baglaşdy. Klub onuň her ýyly üçin 22 million ýewro tölär.
Öz döwrüniň rekord transferi hökmünde 2013-nji ýylda «Realyň» düzümine goşulan Beýl geçen ýyl toparyna 42 duşuşykda kömek berip bildi. Ol şol duşuşyklarda 14 pökgi geçirip, 7 goluň geçirilmegine hem goşant goşdy.
«Szýansu Sunin» Hytaý Superligasynda altynjy orny eýeleýär. 19-njy tapgyrdan soň Kosmin Oleroýunyň topary 26 utuk toplady. Şu transfer penjiresi döwründe klub braziliýaly goragçy Žoao Mirandany hem düzümine goşupdy.