BILIM

“Kids Expo” sergisinde “Ýaş tebigatçy” bilen ekologiýa älemine syýahat ediň!

Mähriban ene-atalar, eziz çagalar we ýetginjekler!

“Ýaş tebigatçy” jemgyýetçilik guramasy sizi paýtagtymyzda geçiriljek “Kids Expo: hemme zat çagalar üçin” atly halkara köpugurly sergi-ýarmarkasyna çagyrýar.

Bu ajaýyp çäre 2026-njy ýylyň 19-22-nji awgusty aralygynda geçiriler. Serginiň çäginde guramamyzyň ýörite stendi çagalar we olaryň ene-atalary üçin iň gyzykly, özüne çekiji hem-de ekologiýa sowatlylygy artdyrjak esasy nokatlaryň birine öwrüler.

Biziň stendimizde çagalary “Eco Jenga”, “Save the planet springer”, “Eco-themed T-shirt activity”, “Eco sorting”, “Tangram” hem-de “Bu nämäniň ýapragy?” ýaly gyzykly eko-oýunlar garaşýar. Şeýle hem galyndylary dogry dolandyrmak boýunça ýörite ussatlyk sapaklary geçiriler. Mundan başga-da, çagalar tejribeli hünärmenleriň gatnaşmagynda dürli ösümlikleri ekip, özlerini hakyky tebigatçy hökmünde duýup bilerler.

Wagtyňyzy peýdaly, gyzykly we ekologiýa taýdan bilimli geçiriň! Sergide size sabyrsyzlyk bilen garaşýarys!

Habarlaşmak üçin:

Telefon: +(993 64) 26-84-32

TikTok: @yash_tebigatchy.jg

Instagram: @yashtebigatchy

Related posts

Türkmenistanda ekologiýa boýunça açyk halkara internet olimpiadasy geçirildi

Birinji synpa kabul edilmek üçin gerek bolan resminamalar

Halkara Gyzyl Haç Komiteti Türkmenistanda halkara ynsanperwerlik hukugy boýunça okuw sapaklaryny gurnar