Meksikanyň milli ýygyndysynyň futbolçysy Lizbet Owalýe Meksikanyň “Tigres” toparyndan Amerikanyň “Orlando Praýd” toparyna geçdi. Bu barada Amerikanyň toparynyň metbugat gullugy habar berdi.
“BBC” teleýaýlymynyň maglumatyna görä, transferiň bahasy 1,5 million dollara barabar boldy we bu zenanlar futbolynyň taryhyndaky iň gymmat transfer hasap edilýär.
Mundan ozalky rekord iýul aýynda goýlupdy. Şonda kanadaly Oliwiýa Smit Angliýanyň “Liverpul” toparyndan Londonyň “Arsenal” toparyna 1,3 million dollara geçen eken.
Owalýeniň “Orlando Praýd” topary bilen şertnamasy iki ýyllyk. Florida ştatynyň topary geçen möwsümiň Milli zenanlar futbol ligasynyň pleý-off ýaryşynyň ýeňijisi boldy.
Owalýe Meksikanyň milli ýygyndysynyň düzüminde hem 81 duşuşykda oýnap, 20 gol geçiripdi.