Russiýa, Gazagystanyň çäginden Özbegistana gaz üpjünçiligini artdyrar diýip, Russiýanyň Prezidenti Wladimir Putin aýtdy. Bu barada Prezident Wladimir Putin Gazagystana amala aşyran döwlet saparynyň çäklerinde guralan metbugat ýygnagynda belläp geçdi.
Wladimir Putin Gazagystanyň Prezidenti Kasym-Žomart Tokaýew bilen geçirilen metbugat ýygnagynda: “Geçen ýyldan bäri Gazagystanyň çäginden goňşy Özbegistana gaz iberilýär. Muny dowam ederis” diýip belledi.
Russiýa Federasiýasynyň Prezidenti Russiýa bilen Gazagystanyň energetika pudagyndaky hyzmatdaşlygy yzygiderli ösýändigini nygtady.
– Hazar turbageçiriji konsorsiumynyň alyp barýan işleri netijesinde daşary ýurt bazarlaryna eksport edilýän gazak nebitiniň esasy bölegi Russiýanyň çäginden we Gara deňizdäki rus port infrastrukturasyndan geçýär. Şol bir wagtyň özünde, biziň ýurdumyz Gazagystan kömürini import edýär, özara elektrik üpjünçiligi amala aşyrylýar. Gün tertibinde iki sany täze ýylylyk elektrik stansiýasynyň gurluşygy bar. “Gazprom” kompaniýasy tarapyndan Gazagystanyň sarp edijilerine tebigy gaz bökdençsiz iberilýär “-diýip, Putin belledi.