SPORT

Ispaniýa ynamly, Angliýa soňky minutlarda ýeňiş gazandy

Germaniýada geçirilýän futbol boýunça Ýewropa çempionatynda Ispaniýa bilen Angliýa 1/4 finala çykdy. Ispaniýa Gruziýa garşy ynamly ýeňiş gazanan bolsa, Angliýa soňky minut, ýa-da sekuntlarda geçiren goly bilen ýeňlişden halas boldy.

Angliýa bilen Slowakiýanyň arasyndaky duşuşyk garaşylmadyk netije bilen tamamlanyp barýardy. 25-nji minutda slowaklar Şransyň goly bilen öňe saýlandy. 90+5-nji minutda Jud Bellingem Angliýany halas etdi.

Duşuşygyň esasy 90 minuty 1:1 hasabynda deňme-deň tamamlandy. Duşuşyga 30 minutlyk goşmaça wagt berildi. Şonuň ilkinji minutlarynda Angliýanyň ýyldyzy Garri Keýn tapawutlanyp, Slowakiýadan 2:1 hasabynda üstün çykdy.

Ýewropa çempionatynda ýeňilmän gelýän Ispaniýa bolsa, çempionatyň täze ýygyndysy Gruziýadan üstün çykdy. 18-nji minutda Le Normanyň öz derwezesine geçirne goly bilen Gruziýa öňe saýlanan hem bolsa, 39-nji munytda Rodri, 51-nji minutda Ruis, 75-nji minutda Uilýam we 83-nji minutda Olmonyň gollary bilen Ispaniýa ýeňiş gazandy.

Ispaniýa 1/4 finalda güýçli garşydaş garaşýar. Ol hem ýer eýeleri Germaniýadyr.

Related posts

Özbegistanda Merkezi Aziýanyň iň uly stadiony gurulýar

2022 Olimpiýa oýunlarynyň alawy ýakyldy

59 ýaşly futbolçy täze bir ýyllyk şertnama gol çekdi