2024-nji ýylda Merkezi Aziýa – Gazagystan, Gyrgyzystan, Türkmenistan, Täjigistsn, Özbegistan we Ýaponiýa arasyndaky ilkinji sammit “Merkezi Aziýa-Ýaponiýa” dialogynyň 20 ýyllygy mynasybetli geçiriler.
Bu babatda Gyrgyz Respublikasynyň Prezidenti Sadyr Žaparow bilen Ýaponiýanyň Premýer-ministri Fumio Kisidanyň arasynda gepleşiklerde ara alnyp maslahatlaşyldy. Taraplar bu sammite taýýarlyk görmek babatda bilelikde iş alyp barmak boýunça ylalaşdylar.
Ýaponiýanyň “NHK” umumymilli teleýaýlymyna beren söhbetdeşliginde Sadyr Žaparow sammitiň Astana şäherinde geçiriljekdigini we oňun öňüsyrasynda ministrler derejesinde duşuşygyň guraljakdygyny belläp geçdi.
Onuň bellemegine görä, sammite Merkezi Aziýa bilen Ýaponiýanyň arasyndaky hyzmatdaşlygyň esasy ugurlayr boýunça pikir alşylar.
– Tebigy serişdeleri bilelikde işläp düzmek babatda gepleşikler hem geçiriler, sebäbi biziň sebitimiz gazylyp alynýan baýlyklara baýdyr. Şeýle hem bilelikdäki logistika merkezlerini döretmek boýunça hem pikir alşylar – diýip, Sadyr Žaparow belledi.