Gazagystanyň Prezidentiniň metbugat gullugynyň habar bermegine görä, gepleşikleriň barşynda taraplar ikitaraplaýyn gatnaşyklaryň çalt depginde ösýändigini bellediler we Gazagystan-Germaniýa gatnaşyklaryny has hem güýçlendirmek baradaky özara tagallalary tassykladylar.
Iki ýurduň ýolbaşçylary söwda, ykdysadyýet, maýa goýum, ulag we logistika, ýaşyl energiýa we beýleki ugurlardaky özara gatnaşyklary güýçlendirmek barada ylalaşmagy goşmak bilen hyzmatdaşlygyň esasy ugurlaryny kesgitlediler.
Prezident we Kansler häzirki sebit we halkara meseleler boýunça pikir alyşdylar we öňde boljak “Merkezi Aziýa – Germaniýa” görnüşinde sammitiň gün tertibini ara alyp maslahatlaşdylar.
“Merkezi Aziýa – Germaniýa” görnüşinde sammitine gatnaşmak üçin Gyrgyz Respublikasynyň Prezident Sadyr Žaparow, Özbegistanyň Prezidenti Şawkat Mirziýoýew we Täjigistanyň Prezidenti Emomali Rahmon Berlin şäherine bardylar.