Akly-garaly, 64 öÿjükli küşt tagtasyna seretmezden, mallary, edilÿän göçümleri görmän birbada ençeme küştçi bilen bäsleşmek bu uly üstünlik diÿmekdir. Bu üstünlik diňe bir ÿurdumyzda däl, bütin dünÿä ÿaň salan taryhy wakadyr.
Taryha ser salsak, ilkinji gezek 1858-nji ÿylda Pol Morfi 8 küştçi bilen oÿnapdy. 1876-njy ÿylda Angliÿada Iogann Sukertort 16 tagtada, 1901-nji ÿylda Moskwada 22 sany küşt tagtasynda Garri Pillsberi, 1919-njy ÿylda 24 tagtada Rihard Reti Harlemde, Koşisede, Dyula Breÿer 1921-nji ÿylda 25 küştçi, 1925-nji ÿylda Nÿu-ÿorkda 26 tagtada, 1925-nji ÿylda Parijda 28, 1934-nji ÿylda Çikagoda 32 küşt tagtadasynda Aleksandr Alÿohin oÿnapdy. 1939-njy ÿylda Migel Naÿdorof Argentinada 40, San-Paulada 1947-nji ÿylda 45 tagtada seans berip rekordy täzeläpdi. Soňra, 2011-nji ÿylda Germaniÿada Mark Lang 46 küştçi, 2016-njy ÿylda Las-Wegasda Timur Gareew 48 küştçi bilen küşt tagtasyna seretmezden birbada duşuşyk geçirip dünÿä rekordyny täzeläpdi. 52 tagtada oÿnan Ÿanoş Fleş 1950-nji ÿylda küştüň taryhyna girdi. Emna, Fleşa oÿun wagtynda küşt tagtasyna iki gezek seretmek mümkinçiligi berilipdi. 2015-nji ÿylda Norwegiÿaly dünÿä belli küştçi Magnus Karlsena 3 tagtada görmezden oÿnamak başardypdy.
Paÿtagtymyzdaky 60-njy orta mekdebiň 11-nji synp okuwçysy, 17 ÿaşly Türkmen küştçisi Allaÿar Şirliÿew görmezden oÿnalÿan küşt rekordyny täzelemegi özüne maksat edindi. Türkmenistanyň at gazanan tälimçisi, halkara derejeli emin Şöhrat Myratgulyÿewiň şägirdi Allaÿar Şirliÿew ilki “Bagtyÿarlyk” sport toplumyndaky küşt merkezinde derejeli 3 küştçiniň garşysyna oÿnapdy we 3:0 hasapda üstün çykypdy. Ikinji gezek 6 küştçi bilen bäsleşip ählisini ÿeňipdi. 2021-nji ÿylyň 14-nji martynda 3-nji gezek 10 küştçi bilen oÿnap 10 utuk gazanmagy başardy. 23-nji martda 1-2-nji derejeli küştçileriň 15 sanysy bilen oÿnap 10,5 utuk gazandy. Allaÿar 7 oÿny utdy, 1 oÿny utuldy, 7 oÿunda deňlik bilen tamamlady. Öňde ÿene oÿun dowam eder. Ÿagny, 4-nji aprelda sagat 10:00 “Bagtyÿarlyk” sport toplumyndaky küşt merkezinde 20 küştçi bilen görmezden edilÿän göçümler arkaly duşuşyk ÿaryşy geçiriler. Tomaşa etmäge isleg bildirÿänler gelip bilerler. Allaÿaryň onlaÿn ÿaryşlarynda gazanan üstünlikleri barada ozal hem habar beripdik. Hüjüm kombinasiÿalaryny yzygiderli ulanÿan küştçi hökmünde tanalÿan Allaÿar garşydaşlaryny kyn ÿagdaÿda goÿup ÿeňiş gazanÿar. Geljegine uly ynam bildirilÿän Allaÿara arzuwlaÿarys.
Maÿsa Öwezowa,
FIDE-niň ussady