Türkmenistanyň Döwlet migrasiýa gullugynda Amerikanyň Birleşen Ştatlarynyň Türkmenistandaky Ilçihanasynyň ikinji sekretary jenap Braýan Howard Grandjean bilen iş duşuşygy geçirildi. Bu barada gullugyň resmi saýtynda habar berilýär.
Duşuşygyň dowamynda taraplar iki döwletiň ýolbaşçylarynyň tagallalary netijesinde döwletara gatnaşyklaryň ýokary derejesiniň üstünlikli ösýändigini bellediler.
Türkmenistan bilen Amerikanyň Birleşen Ştatlarynyň arasyndaky migrasiýa babatda ikitaraplaýyn gatnaşyklarynyň häzirki ýagdaýyna baha berip, taraplar özara bähbitli hyzmatdaşlygy ösdürmek üçin ägirt uly mümkinçilikleriň bardygyny bellediler.
Duşuşygyň ahyrynda taraplar migrasiýa babatynda hyzmatdaşlygyň mundan beýläk-de iki dostlukly halkyň bähbidine işjeň ösdüriljekdigine ynam bildirdiler.