Birleşen Milletler Guramasynyň Baş sekretary Antoniu Guterriş Merkezi Aziýa saparyna başlady. Ol bu saparynyň çäklerinde ilkinji bolup, Özbegistana geldi. Daşkent şäheriniň halkara howa menzilinde Antoniu Guterrişi Özbegistanyň Premýer-ministri Abdulla Aripow garşylady.
Howa menzilindäki gysga wagtlyk söhbetdeşlikden soňra BMG-niň Baş sekretary Guterriş Özbegistanyň daşary işler ministri Bahtiýor Saidowyň ugratmagynda saparyň dowamynda özi üçin göz öňünde tutulan kabulhana gitdi.
BMG-niň Baş sekretary bu saparynyň dowamynda howanyň üýtgemegine garşy göreşmek boýunça ýerine ýetirilýän taslamalar bilen tanşar.
Şeýle hem ol Özbegistandan soňra Gyrgyzystanda, Gazagystanda, Täjigistanda we Türkmenistanda saparda bolar.
Antoniu Guterriş soňky gezek sebitde 2017-nji ýylda saparda bolupdy.
Habar berlişine görä, BMG-niň Baş sekretary “Uzbekistan Airways” komapniýasynyň Nýu-Ýork-Daşkent uçar gatnawy bilen Daşkent şäherine gelendigi habar berilýär.