Adyny “Facebook”-dan “Meta” diýip üýtgeden dünýäniň iň meşhur jemgyýetçilik tory platformasy, 18 ýyllyk taryhynda ilkinji gezek işjeň ulanyjylaryň sanyny azaldandygyny mälim edeninden soň rekord derejede ýitgi çekdi.
Kompaniýanyň paýnamalary bir günde 26,4 göterim pese gaçdy, bazar bahasy bolsa 230 milliard dollar azaldy. Beýleki tarapdan, “Meta”-nyň baş direktory Mark Sukerberg bir günde 31 milliard dollar ýitirdi, bu Ýewropa Bileleşiginiň agzasy Estoniýanyň ýyllyk jemi içerki önümine deňdir.
“Meta” kompaniýasy “Facebook” -yň işjeň ulanyjylarynyň sanynyň dekabr aýynyň ahyryna çenli üç aýyň içinde 1,929 milliard azalandygyny habar berdi.
Dünýäniň iň uly sosial ulgamy bolan “Facebook”-yň işjeň ulanyjylarynyň sany öz taryhynda ilkinji gezek bir çärýekde azaldy. Şol bir wagtda onuň esasy bäsdeşleri “TikTok” we “YouTube” platformalarynyň işjeň ulanyjylaryň sany we girdejileri köpeldi.