Şu gün Halkara Futbol federasiýasynyň nobatdaky kongresi geçirilip, onda 2030-njy hem-de 2034-nji ýylda guraljak futbol boýunça dünýä çempionatlarynyň geçiriljek ýerleri resmi taýdan yglan edildi.
2030-njy ýylda futbol boýunça dünýä çempionaty Morokko, Portugaliýa we Ispaniýada geçiriler. Şeýle hem çempionatyň 3 duşuşygy Günorta Amerikada – Urugwaý, Paragwaý we Argentina döwletlerinde oýnalar.
2034-nji ýylda futbol boýunça dünýä çempionaty Saud Arabystanyda geçiriler. Ýaryş sebitiň howa şertlerine laýyklykda, gyş aýlarynda guralar.
Şeýlelikde, Katardan soňra Saud Arabystany hem dünýäniň iri futbol ýaryşyny gurajak arap döwleti bolar.
Mälim bolşy ýaly, 2030-njy ýylda birinji gezek geçirilen futbol boýunça dünýä çempionatyna 100 ýyl dolýar. ol hem Urugwaýda gurnalypdy. Şunuň bilen baglylykda, ilkinji gezek dünýä çempionaty 6 döwletde geçiriler.