«Arkaç» söwda-dynç alyş merkezinde Russiýanyň kino festiwalynyň dabaraly açylyşy boldy. Çäre Russiýa Federasiýasynyň Medeniýet ministrliginiň goldawy bilen «ROSKINO» tarapyndan guraldy.
Açylyş maksatnamasy çagalar üçin interaktiw bölümi öz içine aldy: ýaş myhmanlary erteki gahrymanlary — Buratino, Malwina we Pýero hezil etdirdiler. Çäräniň resmi bölegi Russiýa Federasiýasynyň Türkmenistandaky Adatdan daşary we Doly ygtyýarly Ilçisiniň adyndan gutlag sözi bilen dowam etdi.
Festiwalyň çäginde tomaşaçylara Russiýanyň kinematografiýasynyň 2025-nji ýyldaky täze eserleri hödürlenýär:
-
«Buratino» (režisýor Igor Woloşin);
-
«Doktor Dinozawrow» (režisýor Maksim Wolkow);
-
«Gnomlaryň hazynalary» (režisýorlar Aleksandr Babaýew, Wasiliý Rowenskiý);
-
«Gurbaga şa gyzy» (režisýor Aleksandr Amirow).
Kino görkezişleri medeni gatnaşyklary berkitmek we türkmen tomaşaçylaryny rus režisýorlarynyň döwrebap işleri bilen tanyşdyrmak maksady bilen guraldy.