«Türkmenistan» awiakompaniýasy» açyk görnüşli paýdarlar jemgyýetiniň Russiýa Federasiýasyndaky baş agenti aprel-maý aýlary üçin Kazan-Aşgabat ugry boýunça uçuşlara awiapletleriň bahasynyň arzanladylandygyny yglan etdi.
Häzirki wagtda Kazan bilen Aşgabat arasyndaky uçuşlar hepdede bäş gezek — duşenbe, sişenbe, çarşenbe, şenbe we ýekşenbe günleri amala aşyrylýar.
Bahalaryň arzanladylmagynyň howa gatnawlarynyň elýeterliligini ýokarlandyrmaga we bu ugurda ýolagçy islegini höweslendirmäge gönükdirilendigi bellenilýär.
Awiapletleri howa ýolunyň Russiýa Federasiýasyndaky baş agentliginiň resmi saýtyndan, şeýle hem Moskwa, Sankt-Peterburg we Kazan şäherlerindäki agentligiň satuw ofislerinden satyn alyp bilersiňiz.