Şu günler ýurdumyzda tomus paslynyň dowam edýän döwründe dürli howa şertleri emele gelýär. Daşky gurşawyň ýaramaz täsirleriniň adam bedenine ýetirýän täsiriniň öňüni almak üçin ýurdumyzda agyz-burun örtüklerini dakynmak maslahat berilýär.
Türkmenistanyň Saglygy goraýyş we derman senagaty ministrligi ilatymyzyň saglygyny goramak maksady bilen dürli wagyz-nesihat çärelerini gurnaýar. Ilat arasynda saglyk durmuş ýörelgeleri giňden wagyz edilýär.
Bu işde ýurdumyzyň aragatnaşyk kompaniýalarynyň hyzmatyndan ýerlikli peýdalanylýar. Şu gün “Altyn Asyr” öýjükli aragatnaşyk operatory (TMСELL) arkaly bu operatoryň müşderilerine hem agyz-burun örtükleri dakynmagy maslahat berilýän habarnama ugradyldy.
Şol habarnamada şeýle diýilýär: – Howa şertleriniň adam bedenine ýetirýän oňaýsyz täsirleriniň öňüni almak maksady bilen lukmançylyk agyz-burun örtüklerini ulanmak maslahat berilýär. TSG we DSM.