Aşgabatda Türkmenistanyň saglygy goraýyş işgärleriniň gününe bagyşlanyp geçirilen halkara sergä Özbegistanyň saglygy goraýyş edaralary gatnaşdy. Bu barada özbek metbugaty habar berýär.
Sergide Özbegistandan, Türkmenistandan, Russiýadan, Germaniýadan, ABŞ-dan, Türkiýeden, Hytaýdan we beýleki ýurtlardan gelen 180-den gowrak kompaniýa öz önümlerini görkezdi.
Özbegistanyň Saglygy goraýyş ministrliginiň garamagyndaky Farmasewtika senagatyny ösdürmek agentliginiň howandarlygynda ýurduň 14 farmasewtika kärhanasy sergä işjeň gatnaşdy. “Made in Uzbekistan” brendi astynda halkara standartlaryna laýyk dermanlar, lukmançylyk enjamlary, çagalar iýmiti we beýleki önümler hödürlendi.
Sergä gelen Türkmenistanyň hökümet agzalary, lukmançylyk we farmasewtika ulgamynyň ýolbaşçylary Özbegistanyň diwarlygynda görkezilen önümleriň dürlüligini, hilini we döwrebaplygyny ýokary baha berdiler.
Serginiň çäklerinde geçirilen duşuşyklaryň we gepleşikleriň netijesinde özbek kärhanalary tarapyndan Türkmenistana lukmançylyk we farmasewtika önümlerini eksport etmek boýunça birnäçe şertnama baglaşyldy.