Russiýa Federasiýasynyň Prezidenti Wladimir Putin Gazagystanyň Prezidenti Kasym-Žomart Tokaýewiň çakylygy boýunça bu ýurtda resmi saparda bolar. “Kazinform” habarlar gullugynyň habar bermegine görä, bu sapar 9-njy noýabrda amala aşyrylar.
Saparyň çäklerinde iki ýurduň döwlet Baştutanlarynyň arasynda ikiçäk gepleşikler geçiriler we onda gazak-rus strategik hyzmatdaşlygynyň möhüm meseleleri ara alnyp maslahatlaşylar.
Şeýle hem iki ýurduň Baştutanlary sanly ulgam arkaly Gazagystanyň Kostanai şäherinde geçiriljek Gazagystan bilen Russiýanyň arasyndaky sebit hyzmatdaşlygynyň XIX forumyna gatnaşarlar.