Amerikanyň Birleşen Ştatlary Horwatiýany Amerikanyň topragynda wizasyz syýahat meýilnamasyna goşdy. Indi horwatiýalylar ABŞ-a 90 günlük möhletde wizasyz girmek mümkinçiligine eýe boldular-diýip “Reuter” habar berýär.
ABŞ-nyň Içeri howpsuzlyk ministri Aleksandr Maýorkas: “Şu gün Horwatiýany wizasyz hereketleniş maksatnamasyna täze gatnaşyjy hökmünde bellemek biziň ýurtlarymyzyň umumy ykdysady we howpsuzlyk bähbitleriniň möhüm ykrar edilmegidir” diýdi.
Öz gezeginde Horwatiýanyň premýer-ministri Andreý Plenkowiç hem bu karar barada öz pikirini bildirdi. Ol :”Biz ABŞ-nyň kararyny goldaýarys. Munda hemmeden köpräk Horwatiýa raýatlary peýda görýär, olar ABŞ-a wizasyz syýahat edip bilerler. Daşary syýasatyň ileri tutulýan ugurlaryny durmuşa geçirmek bilen gatnaşyklarymyzy has-da güýçlendireris” diýip, “Twitter” sahypasynda ýazdy.