MEDENIÝET

Gyrgyzystan bilen Türkiýe bilelikde çeper film surata düşürer

Gyrgyzystan bilen Türkiýe bilelikde kino we serial surata düşürmegi maksat edinýär. Bu barada Gyrgyz Respublikasynyň medeniýet, maglumat, sport we ýaşlar syýasaty ministri Altynbek Maksutow habarçylara beren beýanatynda habar berdi.

Onuň bellemegine görä, Türkiýe Respublikasynyň Prezidenti Rejep Taýyp Ärdoganyň Gyrgyzystana amala aşyran döwlet saparynyň çäklerinde geçirilen ýokary derejedäki gepleşiklerde iki ýurduň arasynda audio-wizual işler boýunça şertnama gol çekildi.

Ministr her ýyl ýurduň kino sungatyny ösdürmek üçin goýberilýän serişdeleriniň möçberiniň artýandygyny belledi. 2023-nji ýylda kinolary maliýeleşdirmäge goýberilen maliýe serişdeleri 10 esse artyp, 345 milliondan 1 milliard soma deň boldy.

2025-nji ýylda ýurtda filmleri we seriallary surata düşürmek üçin degişli pawilýonlar dörediler. Bu ugurda Türkiýe bilen hyzmatdaşlyk ediler we tejribeler paýlaşylar. Mälim bolşy ýaly, Türkiýe Respublikasy öndürýän kinolary we seriallary bilen meşhurdyr.

Ýene-de okaň

«Daragt» çeper filmi Täjigistanda halkara baýraga mynasyp boldy

Ata Watan Eserleri

«Daragt» atly türkmen kinosy Täjigistandaky halkara kinofestiwalyna gatnaşýar

Ata Watan Eserleri

Mahmyt Kaşgarla bagyşlanan halkara ylmy maslahat geçirildi

Azerbaýjanda Türkmenistanyň Medeniýet günleri geçirilýär

Edebiýat boýunça Nobel baýragyna wengriýaly ýazyjy mynasyp boldy

“Ýylyň türkmen edermen alabaýy” atly halkara bäsleşigi geçiriler