Azerbaýjanyň Türkmenistandaky ilçihanasy Türkmenistan Halkara Gatnaşyklar Institutynda geçirilen “Diplomatiýa Gününe” bagyşlanan sergä gatnaşdy.
Çärede ýurduň taryhyny, medeniýetini, sungatyny we syýahatçylyk potensialyny görkezýän kitaplar, broşýuralar, suratly bukjalar, ýadygärlik sowgatlary we el işleriniň nusgalary, şeýle hem “Made in Azerbaijan” markaly önümler görkezildi we myhmanlara hödürlendi.
Şol bir wagtyň özünde, Türkmen dilinde neşir edilen Milli Lider Geýdar Aliýewe bagyşlanan “Ebedilik Dessany” we Nizami Genjewiniň eserleri sergä gatnaşyjylara hödürlendi.
Serginiň dowamynda COP29 barda maglumat berýän bannerler görkezildi, şeýle hem COP29-yň üstünliklerini we hronologiki statistikasyny jikme-jik görkezýän wideo görkezildi.
Mundan başga-da, çärede milli eşiklerimiz, Azerbaijan.travel syýahatçylyk platformasynyň tanyşdyrylyş dabarasy görkezildi. Sergä gatnaşyjylara Azerbaýjanyň baý milli aşhanasy, lezzetli iýmitler we süýjüler hödürlendi.
Türkmenistan Ministrler Kabinetiniň Başlygynyň orunbasary, Daşary Işler Ministri Raşid Meredow ýurduň resmi işgärleri we diplomatik korpusyň wekilleri bilen birlikde Azerbaýjanyň stendi bilen tanyşdy. Sergä gelen myhmanlar Azerbaýjan stendyna uly gyzyklanma bildirdiler.