UFC guramasy Azerbaýjanyň Ýaşlar we sport ministrligi hem-de “Baku City Circuit” kompaniýasy bilen hyzmatdaşlyk barada uzak möhletleýin şertnama baglaşdy.
Kompaniýanyň “Report” agentligine beren maglumatyna görä, ylalaşyk 2028-nji ýyla çenli göz öňünde tutulyp, her ýyl Azerbaýjanyň paýtagtynda “UFC Fight Night” ýaryşlaryny geçirilmegi meýilleşdirilýär. Gol çekilen şertnamanyň çägindäki ilkinji ýaryş 27-nji iýuna meýilleşdirildi we ol Milli gimnastika arenasynda geçiriler.
Ýatladyp geçsek, geçen ýylyň iýun aýynda “Baku Crystal Hall-da” guralan ilkinji UFC çäresi 14 000-den gowrak tomaşaçyny özüne çekipdi. Ähli petekleriň doly satylmagy, bu sebitde garyşyk söweş sungatyna (MMA) bolan gyzyklanmanyň örän ýokarydygyny görkezdi.
Las-Wegasda bolan duşuşygyň dowamynda UFC-niň prezidenti we baş direktory Deýn Waýt hem-de Azerbaýjanyň ýaşlar we sport ministri Farid Gaýybow geljekki hyzmatdaşlygyň mümkinçiliklerini ara alyp maslahatlaşdylar.