Italiýanyň Premýer-ministri Jorjiýa Meloni Argentinanyň Prezidenti Hawýer Mileýe öz ýurdunyň raýatlygyny berdi. Bu barada “Reuters” agentligi habar berýär. Argentinanyň Prezidenti Italiýada saparda bolýar.
Argentinanyň Prezidentiniň Italiýa bilen baglanyşykly tarapy bar. Onuň kakasynyň ugry boýunça enesi we atasy Italiýanyň Kalabriýa sebitinden bolup, soňra Argentina göçüp barypdyrlar.
Şunuň bilen baglylykda, Argentinanyň Prezidenti Hawýer Mileýe Italiýanyň raýatlygy berildi. Şeýle hem onuň kiçi gyz dogany Karina hem bu raýatlygy aldy.
Mileýden ozal Argentinanyň ozalky Prezidenti Maurisio Makriniň hem iki raýatlygy bar. Ol hem italiýaly immigrantyň ogly. Makri 2015-2019-njy ýyllarda Argentinanyň Prezidenti boldy.
Argentinanyň Konstitusiýasynda döwlet baştutanlaryna ikinji raýatlyk almagyna gadaganlyk ýok.