Türkiýe Respublikasynyň söwda ministriniň orunbasary Mahmut Gürjan Türkmenistanyň Maýa goýum forumynyň (TIF 2026) plenar mejlisinde çykyş edip, dünýä söwdasynyň esasy ugurlaryny we türkmen -türk ykdysady hyzmatdaşlygynyň geljegi barada öz pikirlerini beýan etdi.
Mahmut Gürjan Orta geçelgeniň, Hazarüsti ugurlaryny, Türkmenbaşy halkara deňiz portunyň infrastrukturasyny ösdürmegiň, şeýle hem iri energetika başlangyçlaryny, şol sanda «Galkynyş» känini mundan beýläk-de özleşdirmegi amala aşyrmagyň strategik ähmiýetini nygtady.
Ikitaraplaýyn ykdysady gatnaşyklaryň ösüşine aýratyn üns berildi. Mahmut Gürjan 2025-nji ýylyň netijeleri boýunça Türkiýe bilen Türkmenistanyň arasyndaky haryt dolanyşygynyň 2 milliard ABŞ-nyň dollaryndan geçendigini hem-de iki döwletiň Baştutanlary tarapyndan goýlan 5 milliard ABŞ-nyň dollary maksadyna ýetmek üçin degişli edaralaryň ulgamlaýyn iş alyp barýandygyny belledi.
Şonuň üçin taraplar gümrük amallaryny ýeňilleşdirýärler, logistikany kämilleşdirýärler we söwdany sanlaşdyrmagy öňe sürýärler.
Türk tarapy Türkmenistanyň senagatyna, dokma pudagyna, agrosenagata, infrastruktura we maliýe ulgamyna göni maýa goýumlary giňeltmäge, ýurduň ykdysadyýetini diwersifikasiýalaşdyrmaga hem-de öňdebaryjy tehnologiýalary geçirmäge ýardam etmäge taýýardygyny tassyklady.