2026-njy ýylyň 18-nji aprelinde Antalýa şäherinde Türkmenistanyň Daşary işler ministri Raşid Meredowyň Azerbaýjan Respublikasynyň Daşary işler ministri Jeýhun Baýramow bilen duşuşygy boldy.
Duşuşygyň dowamynda taraplar türkmen-azerbaýjan gatnaşyklarynyň möhüm meselelerini ara alyp maslahatlaşdylar.
Taraplar şu ýyl iki ýurtda-da geçirilmegi meýilleşdirilýän ýokary döwlet derejesindäki duşuşyklara görülýän taýýarlyk işlerine aýratyn üns berdiler.
Daşary syýasat edaralarynyň ýolbaşçylary sebit we halkara meseleleri boýunça pikir alyşdylar.