2026-njy ýylyň 18-nji aprelinde Türkiýe Respublikasyna bolan saparynyň çäklerinde, Antalýa şäherinde Türkmenistanyň daşary işler ministri Raşid Meredow Türki döwletleriniň Söwda-senagat edaralarynyň birleşiginiň Baş sekretary Adem Kula bilen duşuşdy.
Söhbetdeşligiň dowamynda taraplar türki döwletleriniň arasyndaky söwda-ykdysady hyzmatdaşlygyň häzirki derejesine baha berdiler. 2024-nji ýylyň mart aýynda Türkmenistanyň Söwda-senagat edarasynyň Birleşigiň düzümine kabul edilmeginiň ähmiýeti bellenildi.
Taraplar şeýle hem hyzmatdaşlygy has-da ösdürmegiň geljekki mümkinçiliklerini ara alyp maslahatlaşdylar.
Önümçilik ulgamynda ileri tutulýan ugurlaryň hatarynda, bu formatdaky ýurtlaryň arasynda bilelikdäki önümçilik zynjyrlarynyň esaslaryny kemala getirmek mümkinçiliklerine garaldy.