Halkara parahatçylyk we ynanyşmak ýylynyň 10–12-nji oktýabry aralygynda “Saglygy goraýyş, bilim we sport — Berkarar döwletiň täze eýýamynyň Galkynyşy döwründe” atly halkara sergi we ylmy maslahatynyň geçirilmeginiň çäklerinde, Türkmenistanyň Oguz han adyndaky Inžener-tehnologiýalar uniwersiteti bilen Wýetnam Sosialistik Respublikasynyň Hanoý Ylym we tehnologiýalar uniwersitetiniň arasynda özara düşünişmek hakyndaky Ähtnama gol çekildi.
Ähtnamanyň maksady ylym we bilim hyzmatdaşlygyny ösdürmekden, iki uniwersitetiň arasynda bilelikdäki maksatnamany döretmekden we özara gyzyklanma bildirilýän ýokary bilim ulgamynda çärelerde hyzmatdaşlyk etmek, kämil hünärmenleri taýýarlamak ugrunda giň gerimli işler alyp barmakdan ybarat bolup durýar.
Halkara parahatçylyk we ynanyşmak ýylynda Gahryman Arkadagymyzyň, Arkadagly Gahryman Serdarymyzyň ýolbaşçylygynda ýurdumyzyň dünýäniň beýleki döwletleri bilen ynanyşmak we düşünişmek boýunça alnyp barylýan işlereniň aýdyň mysalydyr.
Bu özara düşünişmek hakyndaky Ähtnama Türkmenistan bilen Wýetnam Sosialistik Respublikasynyň ylym-bilim ulgamyndaky gatnaşyklaryny ösdürmekde we pugtalandyrmakda möhüm ädim boldy.