Ýewropanyň “Airbus SE” aerokosmos korporasiýasy Hytaýyň iri awiakompaniýalary bilen “Airbus A330neo” kysymly uçarlardan 100-den gowragy satmak babatda gepleşikler geçirýär.
“Bloomberg” agentliginiň habaryna görä, “Air China”, “China Southern Airlines”, “China Eastern Airlines” ýaly kompaniýalar bilen gepleşikler geçirilýär.
“Airbus” kompaniýasy hytaýyň bazarynda ABŞ-nyň “Boeing” kompaniýays bilen bäsdeşligini ýokarlandyrýar. Şeýle hem “Airbus” kompaniýasy Hytaýda işjeň maýa goýum alyp baryp, “A320” kysymly uçarlaryň ýygnalmagy üçin zawodyny işe girizdi.
2024-nji ýylyň başynda “Airbus” kompaniýasynyň kapitaly 11 göterim artyp, 122.9 milliard ýewro deň boldy.