Bilşiňiz ýaly, “Atavatan Türkmenistan” halkara žurnaly tarapyndan “Arkadag şäheri- ylham gözbaşy” ady bilen şygyr bäsleşigi yglan edilipdi. Bäsleşik türkmen halkynyň Milli Lideriniň başlangyjy bilen gurlan “Arkadag” şäherine bagyşlanyp guraldy.
Şygyr bäsleşigine ýurdumyzyň dürli künjeklerinden döredijilik işgärleri, talyplar hem-de şygyr döredijiligi bilen gyzyklanýan ildeşlerimiz uly gyzyklanma bildirdi. Köp sanly goşgylar redaksiýamyza gelip gowuşdy. Şolaryň arasynda emin agzalary tarapyndan saýlanyp alnan goşgularymyz saýtymyza ýerleşdirildi.
Şeýle hem bäsleşige hödürlenen şygyrlary wideoýazgy hökmünde okadylyp, şu ýylyň 5-10-njy dekabrynda “Atavatan Tv YouTube” kanalynda, “AtavatanTurkmen Instagram” hasabynda hem-de “www.atavatantv.com” saýtynda ýerleşdirmek meýilleşdirilýär.
Şoňa laýyklykda, bu bäsleşigiň ýeňijilerini kesgitlemegiň usuly şeýle görnüşde amala aşyrylýar:
- Emin agzalarynyň baha bermegi : 20 göterim
- “Atavatan Tv YouTube” kanalynda tomaşa edilen sany : 20 göterim
- “AtavatanTurkmen Instagram” hasabynda tomaşa sany : 20 göterim
- “www.atavatantv.com” saýtynda tomaşa sany: 20 göterim
- “www.atavatan-turkmenistan.com” saýtynda okalan sany: 20 göterim
Baýraklar
1-nji orun: 5000 manat
2-nji orun :3000 manat
3-nji orun: 2000 manat
2 sany her biri 1000 manatlyk emin agza agzalarynyň ýörite baýragy hem göz öňünde tutulýar.
Bäsleşigimiziň hemaýatkärleri hökmünde “Makul Hyzmat” Terjime merkezi hem-de “Atavatan Danışmanlık Tercüme LTD” kompaniýasy çykyş edýär.
Bu şygyr bäsleşigini dekabr aýynyň ahyrynda jemlemek göz öňünde tutulýar.