Hormatly Prezidentimiz Serdar Berdimuhamedow Singapur Respublikasynyň Prezidenti hanym Halima Ýakoba, Premýer-ministri Li Sýan Luna hem-de ýurduň halkyna Singapur Respublikasynyň Milli güni mynasybetli ýürekden gutlaglaryny we iň gowy arzuwlaryny iberdi.
Döwlet Baştutanymyz Türkmenistanyň ikitaraplaýyn dostlukly gatnaşyklary mundan beýläk-de ösdürmäge uly gyzyklanma bildirýändigini belläp, özara hyzmatdaşlygyň iki halkyň bähbidine yzygiderli giňeldiljekdigine uly ynam bildirdi.
Mümkinçilikden peýdalanyp, döwlet Baştutanymyz Prezident hanym Halima Ýakoba we Premýer-ministr Li Sýan Luna berk jan saglyk we bagtyýarlyk, Singapuryň halkyna bolsa parahatçylyk, ösüş, rowaçlyk arzuw etdi.
Şeýle hem türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Singapur Respublikasynyň Prezidenti hanym Halima Ýakoba, Premýer-ministri Li Sýan Luna hem-de ýurduň halkyna Singapur Respublikasynyň Milli güni mynasybetli ýürekden gutlaglaryny we iň gowy arzuwlaryny iberdi.
Halk Maslahatynyň Başlygy deňhukuklylyk, özara hormat goýmak, ynanyşmak ýörelgelerine esaslanýan ikitaraplaýyn gatnaşyklaryň halklaryň röwşen geljeginiň bähbidine mundan beýläk-de ösdüriljekdigine berk ynam bildirip, Türkmenistan bilen Singapur Respublikasynyň arasyndaky dostlukly, özara bähbitli gatnaşyklary has-da giňeltmäge ygrarlydygyny nygtady.
Mümkinçilikden peýdalanyp, Gahryman Arkadagymyz Prezident hanym Halima Ýakoba we Premýer-ministr Li Sýan Luna berk jan saglyk, bagtyýarlyk, jogapkärli döwlet işinde üstünlik, Singapur Respublikasynyň halkyna bolsa parahatçylyk, abadançylyk, rowaçlyk arzuw etdi.