Ak Tamyň metbugat sekretary Karin Žan-Pýer ABŞ-nyň Prezidenti Jo Baýdeniň Ýewropa ýurtlaryna amala aşyrjak sapary barada maglumat berdi.
Prezident Baýden şu ýylyň 9-13-nji iýuly aralygynda Ýewropanyň 3 ýurdunda – Angliýada, Litwada we Finlýandiýada saparda bolar.
Baýden ABŞ bilen Beýik Britaniýanyň arasyndaky ikitaraplaýyn hyzmatdaşlyk gatnaşyklaryny pugtalandyrak maksady bilen Beýik Britaniýa sapar bilen barar. Ol bu saparyň çäklerinde Beýik Britaniýanyň Patyşasy Karl III hem-de Premýer-ministri Rişi Sunak bilen duşuşar.
Soňra Baýden NATO guramasynyň 74-nji sammitine gatnaşmak üçin Litwanyň Wilnýus şäherinde saparda bolar.
Şeýle hem ABŞ-nyň Prezidenti 13-nji iýulda ABŞ-Skandinaw ýurtlarynyň Baştutanlarynyň sammitine gatnaşar. Ol hem Finlýandiýanyň paýtagty Helsinki şäherinde geçiriler.