Russiýa Federasiýasynda “Mrs Russia 2020” ady bilen geçirilen gözellik bäsleşiginiň jemleýji tapgyry tamamlandy. Bäsleşikde üç çagaly zenan Darýa Iwanowa bäsdeşlerinden tapawutlanyp, baş baýraga mynasyp boldy. Russiýanyň paýtagt şäherinde geçirilen bu gözellik bäsleşigine dürli sebitlerde ýaşaýan rus zenanlary gatnaşdy. Darýa Iwanowa ýurduň Nižegorod sebitinden gelip, bäsleşikde üstünlikli çykyş etdi.
Bu bäsleşik diňe bir gözellik taýdan däl-de dalaşgärler başga-da birnäçe ugur boýunça bäsleşýärler. Bäsleşigiň ýeňijileri ýörite bellenen emin agzalar tarapyndan saýlanýar.