Fransuz ýyldyz Kilian Mbappe ýaşyl meýdançada bolşy ýaly, jemgyýetçilik torlarynda hem üstünlik gazanýar. Onuň “Instagram” jemgyýetçilik torundaky yzarlaýjylarynyň sany 100 milliona ýetdi. Ol bu babatda şeýle görkezijä eýe bolan 6-njy türgendir.
Fransiýanyň milli ýygyndysynyň we “PSŽ” toparynyň hüjümçisiniň akkaundynda abunaçylaryň sany 100 million boldy. Ol bu görkeziji bilen dünýäde 30-njy, türgenleriň arasynda 6-njy adam boldy.
Jemgyýetçilik torunda uly görkezijä eýe bolan türgenler – Kristiano Ronaldo (556 mln), Lionel Messi (437 mln), hindi türgeni we kriketçi Wirat Kohli (239 mln), Neýmar (205 mln) we basketbolçy Lebron Jeýms (147 mln).