2023-2027-nji ýyllar üçin bäş ýyllyk meýilnama düzen ýurduň Söwda ministrliginiň habaryna görä, Tailand 2027-nji ýyla çenli Aziýanyň öňdebaryjy 5 eksport ediji ýurtlarynyň birine öwrülmegi maksat edinýär.
“Bangkok Post” neşiriniň habaryna görä, Tailand Patyşalygy Merkezi Aziýada – Gazagystanda, Gyrgyzystanda, Täjigistanda, Türkmenistanda we Özbegistanda täze söwda bazarlaryny açmagy meýilleşdirýär.
Taýland bio we ýaşyl ykdysadyýet önümlerine (esasanam geljegiň iýmitleri, moda we stil, gaplama, saglyk we gözellik önümleri kategoriýalaryndan) awtoulaglar we awtoulag ätiýaçlyk şaýlary, gymmat bahaly daşlar we şaý-sepler, oba hojalygy tehnikasy, elektrik we elektronika enjamlary ýaly önümleri bu sebitiň ýurtlaryna eksport etmek mümkinçiliklere garaýar.
Tailand, Singapur, Gonkong, Malaýziýa, Hytaý, Hindistan, Günorta Koreýa we Taýwandan soň söwda bäsdeşlik ukyby boýunça Aziýada sekizinji orunda durýar.
2022-nji ýylda Tailandyň eksporty 287 milliard ABŞ dollaryna barabar bolup, halkara söwdasynyň 1,24 göterimini emele getirip, dünýäde 24-nji orunda durýar.