Russiýanyň Saglygy goraýyş ministrliginde Russiýa Federasiýasynyň saglygy goraýyş ministri Mihail Muraşko bilen Türkmenistanyň saglygy goraýyş we derman senagaty ministri Nurmuhammet Amannepesowyň arasynda duşuşyk geçirildi. Bu barada Russiýanyň Saglygy goraýyş ministrligi habar berýär.
Türkmen tarapynyň kliniki ordinatura we aspirantura maksatnamalary, şeýle hem lukmanlaryň hünär derejesini ýokarlandyrmak, dürli ugurlarda milli lukmançylyk barlar merkezleriniň arasynda gatnaşyklary ýola goýmak babatda hyzmatdaşlyk etmäge gyzyklanma bildirýändigi bellenilip geçildi.
– Russiýa Federasiýasynyň Saglygy goraýyş ministrligi bilen Türkmenistanyň Saglygy goraýyş we derman senagaty ministrliginiň arasynda gol çekilen ylalaşygyň esasynda iki ýurduň lukmançylyk edaralarynyň ulgamynda mundna beýläk-de hyzmatdaşlygy ösdürmäge giň mümkinçilikler bar. Şeýle hem uzak aralykdan telelukmançylyk ulgamynda maslahatlaşmalary has-da giňişleýin geçirmegi teklip edýärin – diýip, Mihail Muraşko belläp geçdi.