Ispaniýanyň dünýä belli “Barselona” toparynyň zenanlar topary Angliýanyň “Çelsi” toparyny 4:0 hasabynda utup, zenanlaryň arasyndaky Çempionlar Ligasynyň kubogyny gazandy.
Duşuşyk Şwesiýanyň Gýoteborg şäheriniň “Gampa Ullewi” stadionynda oýnaldy. “Barselona” toparynyň düzüminde Aleksiýa Putels, Aýtana Bonmanti we Karolin Hansen tapawutlandy.
Zenanlaryň arasynda Çempionlar ligasy 2001-nji ýyldan bäri geçirilýär. “Barselona” topary ilkinji gezek bu ýaryşda çempion boldy.
Bu ýaryşda öňdeligi Frasniýanň “Lion” topary eýeleýär. Bu toparyň zenan futbolçylary 7 gezek kubogy gazandy.
Umuman, “Barselona” toparynyň erkek futbolçylary üstümizdäki ýylda uly bir üstünlik gazanyp bilmediler. Olar çempion bolmak mümkinçiligini hem ýitirdiler. Onuň dereginde zenan futbolçylar toparyň adyny arşa galdyrdy.