Mälim bolşy ýaly, geçen hepdäniň ýekşenbe güni ABŞ-nyň Nýuark şäherinde «UFC 302» ýaryşlary geçirilip, şonuň çäklerinde ýeňil agramda «UFC-niň» çempiony Islam Mahaçew bilen amerikaly Daston Porýeniň tutuluşygy boldy. Oňa ABŞ-nyň ozalky Prezidenti Donald Tramp, şol wagtda Islam Mahaçewiň ýakyn dosty Habib Nurmagomedow hem gatnaşdy.
Ozalky çempion Habib Nurmagomedow bu tutluşyga öz ýakyn dosty Islam Mahaçewe goldaw bermek üçin gatnaşdy. Şol tutluşygyň çäklerinde Habib bilen donald Trampyň gysga wagtlyk söhbetdeşligi boldy.
Tramp bu barada özüniň jemgyýetçilik torunda habar berdi.
– Habib özüniň sport karýerasyny 29-0-lyk rekord bilen tamamlap, hiç bir tutluşykda ýeňilmedi. Ahli döwürleriň iň beýik türgeni bolsa gerek. Men onuň bilen Nýu-Jerside «UFC 302» ýaryşlarynyň çäklerinde duşuşdym.
Ol örän akylly oglan. Oňa uly geljek garaşýar – diýip, ABŞ-nyň 45-nji Prezidenti Donald Tramp jemgyýetçili torunda habar berdi.
Ýekşenbü gündäki tutuluşykda ýeňiş gazanan Islam Mahaçew 3-nji gezek ýeňil agramda çempionlyk kemerini goramagy başardy.