2020-nji ýylda tutuş dünýäde awtoulag söwdasynda Ýaponiýanyň “Toyota” kompaniýasy öňdeligi eýeledi. Ozaldan bäri, bu kompaniýanyň esasy bäsdeşi bolup, Germaniýanyň “Volkswagen” kompaniýasy çykyş edýärdi.
2020-nji ýyldaky görkezijiler boýunça “Toyota” öňde saýlandy. Ýapon kompaniýasy 2020-nji ýylda 9.53 million ulag satdy. Germen kompaniýasynyň söwdasy bolsa 9.31 million deň boldy. Şeýlelikde, 5 ýyldan soňra ýapon kompaniýasy ozdurdy.
“Toyota”-nyň “Daihatsu Motor Co.” we “Hino Motors Ltd.” golçur kärhanalaryny hem öz içine alýan topary bir ýylda 9,53 million söwda amala aşyrdy.
Ýewropa Bileleşigi sebitiniň iň güýçli awtoulag öndüriji kompaniýalarynyň biri bolan “Volkswagen” kompaniýasynyň söwdasy soňky 10 ýyllykda ilkinji gezek pese gaçdy we bu görkeziji 15 göterime deň boldy.
“Toyota Motor” pandemiýa döwründe-de önümçiligini taryhynda rekord derejä ýetirmegi başardy.
2020-nji ýylda global ulag bazar söwdasy 94,8 milliona ýeter diýlip çaklanylýar.
Global pandemiýa şertlerinde Saglyk ulgamyna degişli habarlar dünýäniň ähli ýerlerinde iň köp okalýan habarlaryň biridir!
