London şäherinde tennis boýunça “ATP” ýaryşynyň ikinji tapgyrynda russiýaly türgen Daniil Medwedew bilen dünýä belli, birinji derejeli raketka hasaplanylýan serbiýaly Nowak Jokowiç garşylaşdylar. Bu oýunda Medwedew ýeňiş gazanan mahalynda ýaryşyň ýarym finala gatnaşmak üçin hukuk gazanýardy, serbiýaly Jokowiç bolsa iki oýunda ýeňiş gazanmaly bolýardy. Sport bilermenleri tarapyndan seredilende bu oýunda Medwedew lider hasaplanmaýardy. Jokowiç bilen Medwedewiň arasynda geçirilen soňky duşuşyklaryň netijesinde serbiýaly tennisçi diňe bir gezek ýeňiş gazanmagy başarypdyr. Geçen möwsümde bolsa abraýly ýaryşlaryň ikisinde-de Medwedew, Jokowiçden üstün çykmagy başarypdyr. Birinji setiň üçünji oýnunda Medwedew 2 breýk-point gazanmagy başardy. Jokowiç oýunda hasaby deňläp, hatda 4 gezek oýunyň dowamynda öz tarabyna tamamlamak üçin pursat döredi. Emma Medwedew toplary soňky çyzgydan çykarmagy başaryp, bu oýuna we türgene garşy doly derejede taýýar gelendigini birnäçe pursatlaryň üsti bilen subut etdi. Oýun diýseň gyzgalaňly ýagdaýda geçdi. Munuň sebäbi iki türgeniň oýun tilsimi gabat gelýär diýip, bilermenler belläp geçdiler. Medwedew hut Jokowiçi 7 oýun yzly-yzlyna utmagy başardy, bu netije entäk “Rolan Garros” çempionatynyň finalynda çykyş eden Rafael Nadala hem başartmady.
Umumy aýdanymyzda, Medwedew-Jokowiç arasyndaky duşuşyk (6:3, 6:3) hasaby bilen tamamlandy. Bu duýdansyz netijä hiç kim garaşmandy. Medwedewiň ýarym finaldaky garşydaşy, Stefanos Tsitsipas – Rafael Nadal arasyndaky duşuşykdan soň belli bolar.
Global pandemiýa şertleri tamamlanandan soňra haýsy ýurda syýahata gitsem diýýänler we syýahat etmegi söýýänleriň sahypasy
