Muhammet pygamber (s.a.w.) dünýäde meşhur we beýik şahsyýetleriň biri hasaplanylýar. Ol 570-nji ýylda Mekge şäherinde doglupdyr.
• Onuň kakasynyň ady Abdylla, ejesiniň ady Emine bolupdyr. Ata-enesi ir aradan çykansoň, Muhammet pygamber (s.a.w.) ýaşlygynda garyndaşlarynyň elinde terbiýelenipdir.
• Muhammet pygamber (s.a.w.) yslam dinini esaslandyryjy hasaplanylýar. Ol Mekgede we Medinede adamlary ýeke-täk Hudaýa uýmaga hem-de agzybirlige çagyrypdyr.
• Kitapda Muhammet pygamberiň (s.a.w.) adamlara:
— ata-enä mähriban bolmagy;
— dogan-garyndaşlara kömek bermegi;
— utanç-haýaly we edepli bolmagy öwüt-nesihat edendigi bellenilýär.
• Yslam dinini kabul edenlere musulmanlar diýlipdir.
• Muhammet pygamber (s.a.w.) 622-nji ýylda Mekgeden Medinä göçüpdir. Şol ýyldan başlap musulmanlaryň hijri ýyl hasaby ýöredilipdir.
• Muhammet pygamber (s.a.w.) 632-nji ýylda aradan çykypdyr.
• Gurhan yslam dininiň mukaddes kitabydyr. Kitapda «Gurhan» sözüniň «okamak» diýen manyny aňladýandygy aýdylýar.
• Gurhanda yslam dininiň düzgünleri bilen birlikde ýagşylyk etmek, kömek bermek, arassa, utanç-haýaly, adalatly we adamkärçilikli bolmak barada nesihatlaryň berilýändigi bellenilýär.
• Okuw kitabynda 651-nji ýylda araplaryň Orta Aziýa aralaşandygy we munuň türkmenleriň hem yslam dinini kabul etmegine getirendigi beýan edilýär.
Çeşme: Türkmenistanyň taryhy. Umumy orta bilim berýän mekdepleriň V synpy üçin okuw kitaby. Aşgabat: Türkmen döwlet neşirýat gullugy, 2017, 22–23-nji sahypalar.