Hytaý kompaniýalary Türkmenistanyň nebit-gaz pudagy üçin ýüzlerçe million ABŞ-nyň dollary möçberinde enjamlary we tehnikalary getirip, onlarça şertnamany ýerine ýetirdiler. Bu barada Aşgabatda geçirilen türkmen-hytaý işewürler forumynda çykyş eden «Türkmennebit» döwlet konserniniň başlygynyň orunbasary Batyr Jumaýew aýtdy.
«Hytaýly hyzmatdaşlarymyz bilen özara gatnaşyklarymyz — ynamyň we tehnologiki hyzmatdaşlygyň nusgasydyr. Şu günki günde, “Sinopec” kompaniýasynyň işlerini hasaba almazdan, konsern bilen Hytaý Halk Respublikasynyň kompaniýalarynyň arasynda 29 sany şertnama durmuşa geçirilýär» diýip, Jumaýew belledi.
«Türkmennebit» konserni Hytaýdan döwbap enjamlary, ýokary tehnologiýaly geofiziki we nebit-gaz enjamlaryny, turba önümlerini, himiki reagentleri, dürli ätiýaçlyk şaýlaryny we ýöriteleşdirilen tehnikalary satyn alýar.
«Şu günki günde bu şertnamalaryň umumy bahasy 439 million ABŞ dollaryndan geçýär, bu bolsa hytaý öndürijileriniň hiline we innowasiýalaryna bolan ynamymyzy aýdyň tassyklaýar» diýip, konserniň ýolbaşçysynyň orunbasary nygtady.